|
ليش يا ظالمين.. لغيتوها
وينكم .. يا مسؤوليــــــــن ليش لغيتوا المادة خمسين وهمشتوا هوية المسيحيين المسالمين الطيبييـــــــــــن سكان العراق الاصلييــــن ========== اصحاب حضارة الاف السنيـــــــــــــن جذورهم بصره وموصل وصلاح الدين فتشوا بالكتب تعرفوهــــــــــم زيـــــــــن احفروا وشوفوا بكل شبر كنيستيــــــــن لعد شكد أحنا الاصل واصلييــــــــــــن اليوم بكل سهولة تردونا مهمشيـــــــــن لا والف لا نقولها للمسؤوليــــــــــــــن العبوا غيرها مثل ما دتلعبــــــــــــــــون وبأعصاب الشعـب تحركـــــــــــــــــون مايهمكم بس عل الكراسي تكعـــــــدون لو حتى يحترك العراق والعراقييــــون المهم سلامتكم وبوك الملاييــــــــــــن شوفوا حكام الدول شلون يحكمـــــون يجوعون في سبيل ابناءشعبهم يشبعون ليل ونهار وطنهم يخدمـــــــــــــــــــون ماتميز المدراء من المنظفـــــــــــــــون هدفهم واملهم راحة المواطنـــــــــــون مو مثلكم بس بنفسهم يفكــــــــــــــرون وبالمنطقة الخضراء يكعــــــــــــــدون كل واحد عنده الف حارس والفيــــــن وطز بالشعب لا مره ولا مرتيــــــن مو هيجي تكولــــــــــــــــــــون وتكولون المسيحيين قليلــــــــــــون لا ابشركم احنا كثيرين وكثيريـــــن بأفكارنــا وأعمالنـــــــــــا معروفيـــــن أرجع وأكول تهمشونا ما تكــــــدرون حقنا يرجع لو حتى ما توافقـــــــــــون صحيح ما نشيل سلاح وغير مسلحون ولكن ايماننا قوي برب العالميـــــــــــن يأخذ حقنا وينصرنا عل الظالميـــــــن
رعد دكالي |